Fasnacht 2022 - DANGGE - Mer sinn vo soviel Engagement und Kreativität beiidruggt!

Liebi Wage-IG-Mitglieder

Mer sinn vo soviel Engagement und Kreativität beiidruggt! Dorum mechte mer ALLNE Wäägeler, wo dodermit d Fasnacht 2022 doch no «grettet» hänn vo ganzem Härze gratuliere und sage e riesegrosses Dangge!

Syg das die grossartigi Organisation und Umsetzig vo dr aimoolige Wägeliparade dur d Warteck Rueche, syg s d Yyladig vo de FG und IG-Gugge zem gmeinsame Stäärnemarsch. Baides sinn sensationelli Aggtione gsi!

Syg s stellverträttend d «Fänschter-Aggtion» vo de Dolgge-Waggis oder de Moorgsbrieder, s «Fasnachts-Fieber-Teschtzenter» vo de Räpplifrässer oder d «Ziircher Bimmelbahn» vo de Waldwaggis - Aifach grandios was IHR ALLI glaischtet hänn.

Dangge vieelmool!

Pdf mit Bilder

D Wage-IG findsch du au uff Facebook. Do findsch du dr Link, mir freue uns über di Bsuech.

Hesch du Wünsch oder Inputs zur Homepage? Denn schrieb doch kurz e Mail.

Eure Vorstand vo dr Wage IG